ສ ເກົາຫຼີ ຈະໃຫ້ຕ່າງປະເທດເຂົ້າຮ່ວມຕະຫຼາດແລກປ່ຽນເງິນຕາ
ສຳນັກຂ່າວສານຊິນຮວາ ລາຍງານວັນທີ 26 ກັນຍາ ວ່າ: ກະຊວງເສດຖະກິດ ແລະ ການເງິນຂອງ ສ ເກົາຫຼີ ຈະອະນຸຍາດໃຫ້ສະຖາ
ບັນຕ່າງປະເທດທີ່ຈົດທະບຽນ (RFIs) ເຂົ້າຮ່ວມຕະຫຼາດແລກປ່ຽນເງິນຕາຕ່າງ ປະເທດ ໃນເດືອນໜ້າ, ໂດຍທະນາຄານ ສ ເກົາຫຼີ ຈະ
ເປັນຜູ້ຮັບຜີດຊອບກວດສອບສະຖາບັນດັ່ງກ່າວ.
ກະຊວງກ່ຽວຂ້ອງຂອງ ສ ເກົາຫຼີ ຢືນຢັນຕື່ມວ່າ: ລະບຽບການບັງຄັບໃຊ້ກ່ຽວກັບເຮັດທຸລະກຳແລກປ່ຽນເງິນຕາຕ່າງປະເທດ ສະບັບ
ປັບປຸງໄດ້ຖືກຍື່ນຕໍ່ກອງປະຊຸມຄະນະລັດຖະມົນຕີແລ້ວ ເພື່ອຂໍອະນຸຍາດໃຫ້ກຸ່ມສະຖາບັນດັ່ງກ່າວເຊັ່ນ: ທະນາຄານ ແລະ ບໍລິສັດຫຼັກຊັບ
ນອກປະເທດເຂົ້າຮ່ວມ ໃນຕະຫຼາດແລກປ່ຽນເງິນຕາ ຕ່າງປະເທດ ລະຫວ່າງ ທະນາຄານໂດຍກົງ ເລີ່ມແຕ່ວັນທີ 4 ຕຸລາ 2023 ນີ້. ທັງນີ້
ພາຍໃຕ້ບົດບັນຍັດຊຸດກ່ອນມີການເປີດຕະຫຼາດແລກປ່ຽນເງິນຕາຕ່າງປະເທດ, ທ້ອງຖິ່ນໃຫ້ສະຖາບັນການເງິນໃນປະເທດ ແລະ ສະຖາບັນ
ຕ່າງປະເທດ ທີ່ມີສາຂາ ຢູ່ ສ ເກົາຫຼີ.
ແຫຼ່ງທີ່ມາ: ໜັງສືພິມກອງທັບ
ວັນທີ 02/10/2023